زيونها..وادفنوها والكفن ثوب الزفاف..

زينوها وادفنوها والكفن ثوب الزفاف..

غصب عنها زوجوها وسلموهاللغريب ..

مجبره ما شاوروها قصدهم شرع العفاف ..

ما دروا ان البنت مغرمة ولها حبيب ..

جهزوها وهي تبكي وترشف الدمع ارتشاف ..

وخبروها ان موعد الفرح منها قريب ..

ما لقت احدن فهمها وهمها ناظر وشاف ..

حالها بسبة أهلها صار محزن ومريب ..

والحفل قرب وقامت ترجف الخوف ارتجاف ..

كل يوم تقول باكر الفرج بإذن الرقيب ..

باكر يمكن يفهمون قصتي بآخر مطاف..

جا باكر .. ثم عدا ..جاء بعد باكر عطيب ..

وعلقوا عقد الانارة واحتشد فرد وآلااااف ..

وايقنت ان الجرح جرحها ماله طبيب ..

قالوا يالله البسي ثوبك اللي للزفاف..

كفونها وفي نظرهم زوجوها للأديب ..

فرشوا لها الهم دايم والأسى كان لها لحاف ..

ياحسافة دخلوها والحشى يغلي لهيب ..

واحكموا قيد البنية .. واسجنوها بالتفاف ..

وادعتهم وهي تقول <حسبي الله الحسيب>

رحلتي ما هيب طويلة ..ورجعتي بعد القطاف ..

سافرت عن دار اهلها وقلبها فاطر صويب ..

سافرت مع منهو خطفها من أمانيها الضعاف ..

خايفة مستوحشة والدمع منها صبيب ..

عيت تقتنع وتنسى عشقها ذاك الضفاف ..

هو سألها جاوبيني ليه دمعاتك سريب ..

ليه لي ماتنظرين وأنا زوجك شخص واف ..

قالت بنبره خجوله أنا في وضعن رهيب ..

غصب عني زوجوني واطعنوني بالرهاف..

هو سكت لحظة تأمل وش أسوي يا مجيب ..

عقله وقلبه نطقها صاحب النخوة يخاف ..

قال منهو غير حبي يسكن بقلبك نجيب ..

من تولى عرش قلبك اهتني به يا عفاف ..

وباكر الرجعة تراها وامسحي الدمع الصبيب ..

خايف اني امسكك واقترف ذنب اقتراف ..

اضحكت ضحكة وقالت ما بعد هالطيب طيب ..

الله يجازيك عني بالاجر ويسر الطواف ..

ارجعت وقالت رجعت ياهل الشرع الغريب ..

بنتكم جتكم ولكن من بعد ذل وحساف ..

وابعثت مرسول عاجل أنا جيتك يالحبيب ..

النذر اللي نذرته صار وافي يا مناف ..

اجلست يوم وتأخر . . لا رسالة ولا مجيب .

وعقله يمه تشتت وبدت من الغيبة تخاف ..

مرها طفلن صغير واسألت عن الصحيب ..

قال مات ليلة زفافك .. واندفن بعد الزفاف ..

ناحت بحسرة .. وطالت الليالي والنحيب ..

ودعت قبل اللقاء حلمها الزاهي وطاف ..

اقتلوها مرتين ,, وشابت من قبل المشيب ..

اتمنى ان تنال اعجابكم..

ودمتم بود

مشكوره ع الموضوع المميز~

شـكــ وبارك الله فيك ـــرا لك ... لك مني أجمل تحية .

ياللله ><"
شو حززين مرره ..الله يحمنا برحمته ..
يعطيك العافيه غلاتو ^.^

يسلموو..^ه^

من تولى عرش قلبك اهتني به يا عفاف ..

وباكر الرجعة تراها وامسحي الدمع الصبيب ..

صح لساااانك ابيت روووعهة خاصة .....................
حياكي ربي يالشاعرة